Kryetari i Prishtinës, Përparim Rama, u mirëprit në një takim nga Organizata e Veteranëve të Luftës, ku diskutoi për mbështetjen e vazhdueshme të qytetit për këtë kategori.
Rama theksoi se Prishtina është unike në Kosovë dhe në rajon për krijimin e një sektori të veçantë brenda kabinetit të Kryetarit, që fokusohet në mbrojtjen e kategorive të dala nga lufta. Ai siguroi se përkrahja nuk do të mungojë as në të ardhmen.
Në një postim në Facebook, Rama vlerësoi bashkëpunimin me organizatat e veteranëve dhe shprehu angazhimin për të punuar së bashku për të mirën e vendit. Ai u zotua për vazhdimin e përkrahjes ndaj kontributit kombëtar, duke theksuar rëndësinë e unitetit në arritjen e qëllimeve të përbashkëta.
Leave a Reply