Ismet Kryeziu, drejtori i KDI-së, ka ngritur shqetësime për numrin në rritje të profileve fallco në rrjetet sociale në Kosovë, të cilat po përhapin lajme të rreme për të ndikuar në proceset zgjedhore.
Sipas tij, dezinformimi paraqet një kërcënim serioz për demokracinë, sidomos në vende si Kosova ku institucione të tilla janë ende të brishta. Kryeziu thekson se përdorimi i këtyre profileve për të shpërndarë dezinformata është bërë një fenomen i zakonshëm, duke u shfrytëzuar si mjet për të sulmuar kundërshtarët politikë dhe për të manipuluar opinionin publik.
Ai shton se në vend që të luftohet, dezinformimi po përdoret si mjet kryesor nga disa zyrtarë politikë. Ai nënvizon se një demokraci e shëndetshme nuk ka të bëjë vetëm me procesin e votimit, por edhe me mbrojtjen e së vërtetës dhe integritetit të institucioneve.
Për Kryeziun, është e pamundur të sigurohet një shtet demokratik nëse pushteti përdoret për të përhapur shpifje dhe linçime.
Leave a Reply