Kryeministri i Kosovës, Albin Kurti, zhvilloi një takim me Admiralin amerikan George M.
Wikoff, i cili është Komandanti i Forcave të Përbashkëta Aleate të NATO-s në Napoli. Ky ishte takimi i parë mes tyre, ku Kurti e përgëzoi admiralin për detyrën e re dhe shprehu gatishmërinë për bashkëpunim të ngushtë.
Gjatë bisedës, Kurti vuri në dukje rëndësinë e ndërveprimit të mirë mes Qeverisë së Kosovës dhe misionit të NATO-s, KFOR-it, për të siguruar paqe dhe stabilitet në vend. Ai theksoi se Kosova është një shembull suksesi i ndërhyrjes së NATO-s, duke e cilësuar çlirimin dhe pavarësinë e saj si themel për zhvillim ekonomik dhe demokratik.
Kryeministri Kurti ripërsëriti synimin e Kosovës për anëtarësim të plotë në NATO, duke e parë këtë si një hap të rëndësishëm për sigurinë afatgjatë të rajonit. Ai gjithashtu informoi admiralin për përpjekjet e institucioneve të Kosovës në luftën kundër krimit të organizuar dhe forcimin e rendit ligjor.
Në fund, Kurti falënderoi admiralin Wikoff për kontributin e vazhdueshëm të KFOR-it në ruajtjen e sigurisë në Kosovë.
Leave a Reply