Albin Kurti, kryetari i Lëvizjes Vetëvendosje dhe kandidati për kryeministër, vizitoi shtëpinë e Zekë Klunës, administrator i tri fshatrave: Poklek i Ri, Poklek i Vjetër dhe Vasilevë.
Gjatë vizitës, Kurti i dorëzoi Klunës kartën e anëtarësisë në Vetëvendosje, duke shënuar kështu formalizimin e bashkëpunimit të tyre. Kurti shprehu mirënjohjen për mikpritjen dhe nënvizoi rëndësinë e ditës për bashkimin në të mirë të Drenasit, Drenicës dhe gjithë Kosovës.
Ai theksoi përkushtimin e tij për të ndihmuar në përmirësimin e punësimit, mirëqenies së familjeve, arsimit dhe shëndetësisë në këto zona. Në fjalimin e tij, Kurti evidentoi furnizimin me ujë të pijshëm si një nga sfidat kryesore për banorët e Drenasit dhe rrethinës.
Ai premtoi se diga e Kuqicës në Skënderaj do të luajë një rol kyç në zgjidhjen e këtij problemi të rëndësishëm për komunitetin.
Leave a Reply