Kryeministri i Kosovës, Albin Kurti, ka përkujtuar ngjarjet e trishtuara të 26 viteve më parë në veri të Mitrovicës, kur banorët shqiptarë u dëbuan me forcë nga shtëpitë e tyre në shkurt të vitit 2000.
Ai theksoi se gjatë spastrimit etnik nga forcat serbe dhe grupi “Rojet e urës”, dhjetë shqiptarë humbën jetën dhe 25 të tjerë u plagosën, ndërsa mijëra të tjerë u detyruan të largohen. Kurti vuri në dukje se, pavarësisht pranisë së trupave ndërkombëtare, 1,564 familje shqiptare u dëbuan nga Mitrovica, e cila mbeti e paplotësuar në çlirim.
Ai theksoi rëndësinë e drejtësisë dhe rikuperimit për të viktimat, duke shtuar se shumë prej tyre vetëm kohët e fundit kanë arritur të kthehen në pronat e tyre. Në katër vitet e fundit, mbi 150 shtëpi janë ndërtuar në komunat veriore, duke mundësuar kthimin e shumë familjeve, si ajo e Mustafë Behramit, i cili u kthye në shtëpinë e tij në vitin 2024.
Kurti nënvizoi përkushtimin e qeverisë për drejtësi dhe paqe, duke përmendur sulmin në Banjskë në shtator 2023 si kujtesë për sfidat e vazhdueshme.
Leave a Reply