Kurti: Mbështetja për prodhimin vendas do të vijojë

Kryeministri i Kosovës, Albin Kurti, ka vënë theksin te rritja e një fabrike të ujit në Kosovë, duke vlerësuar përparimin në prodhim dhe zgjerimin në tregjet rajonale.

Kurti ka theksuar se fabrika po arrin zhvillim të vazhdueshëm dhe tashmë eksporton produktet e saj përtej kufijve të Kosovës. Në këtë kompani, e cila operon me pesë linja prodhimi dhe mban standarde të larta cilësie, janë të punësuar mbi 250 persona.

Kryeministri ka inkurajuar përfaqësuesit e kompanisë të përfitojnë nga iniciativat qeveritare si programi “Superpuna” për të rinjtë dhe plani i ardhshëm “Superpuna për Gratë”. Në përfundim, Kurti ka riafirmuar mbështetjen e Qeverisë së Kosovës për bizneset vendore, duke premtuar përkrahje në rritjen e prodhimit, krijimin e vendeve të punës dhe forcimin ekonomik të vendit.