Ambasadori i Bashkimit Evropian në Kosovë, Aivo Orav, do t’i dorëzojë kryeministrit në detyrë, Albin Kurti, Raportin për Vendin 2025 për Kosovën, përgatitur nga Komisioni Evropian.
Ky takim është planifikuar të zhvillohet sot në orën 18:00. Sipas njoftimit nga zyra e kryeministrit, pas dorëzimit të raportit, Kurti dhe ambasadori Orav do të mbajnë një konferencë për media për të diskutuar përmbajtjen dhe rëndësinë e dokumentit.
Ky raport është një vlerësim i progresit dhe sfidave që Kosova ka përpara në rrugën e saj drejt integrimit evropian. Takimi i sotëm dhe konferenca për media janë një mundësi për të kuptuar më mirë perspektivat e Kosovës për integrimin në BE dhe pritjet që Bashkimi Evropian ka nga vendi për të ardhmen.
Leave a Reply