Kryeministri në detyrë i Kosovës, Albin Kurti, mori pjesë në një diskutim në Institutin Mbretëror të Shërbimeve të Bashkuara në Britani, ku trajtoi çështje të sigurisë, zhvillimit dhe solidaritetit me Ukrainën para Samitit të Procesit të Berlinit.
Kurti theksoi rëndësinë e Mbretërisë së Bashkuar si partner i qëndrueshëm dhe mik i veçantë i Kosovës, duke vlerësuar praninë britanike në rajon si të domosdoshme. Kryeministri në detyrë nënvizoi arritjet e Kosovës, duke e cilësuar vendin si më demokratikun dhe me zhvillimin ekonomik më të shpejtë në rajon.
Ai përmendi faktin se Kosova renditet e treta në botë dhe e para në Evropë për sundimin e ligjit, dhe ka bërë përparime të dukshme në luftën kundër korrupsionit. Kurti gjithashtu vuri në dukje kontributin e Kosovës në NATO dhe aspiratat e saj për t’u anëtarësuar në BE dhe NATO, duke përmendur rritjen e shpenzimeve për mbrojtje dhe investimet në inovacion dhe arsim.
Ai shprehu solidaritetin me Ukrainën dhe dënoi trajtimin çnjerëzor të robërve të luftës ukrainas nga Federata Ruse, duke e lidhur këtë me përvojën e tij personale si i burgosur politik.
Leave a Reply