Në një intervistë të dhënë për agjencinë “AFP”, Kryeministri në detyrë i Kosovës, Albin Kurti, ka folur për zgjedhjet e parakohshme që do të zhvillohen më 28 dhjetor.
Ai theksoi se synimi kryesor i Lëvizjes Vetëvendosje është të arrijë një fitore me më shumë se 50 për qind të votave, duke tejkaluar rezultatin e mëparshëm prej 42.3 për qind. Kurti diskutoi gjithashtu marrëdhëniet me Serbinë, duke vënë në dukje vështirësitë për normalizimin e marrëdhënieve për shkak të regjimit autoritar atje.
Ai theksoi rëndësinë e njohjes së ndërsjellë mes dy vendeve. Për rifillimin e dialogut, Kurti kërkoi dorëzimin e Milan Radoiçiqit nga Serbia, për të cilin thuhet se ka qenë i përfshirë në një sulm terrorist në shtator.
Duke përmendur ndikimin rus në rajon, Kurti shprehu shqetësim për lidhjet e ngushta mes Serbisë dhe Rusisë, ndërsa vlerësoi rolin e partnerëve ndërkombëtarë në zbutjen e këtij ndikimi. Ai gjithashtu përmendi marrëveshjen me SHBA-në për pranimin e 50 migrantëve, duke theksuar se kjo bëhet pa kërkesa financiare, por në frymën e miqësisë dhe bashkëpunimit.
Leave a Reply