Kryeministri i Kosovës, Albin Kurti, mori pjesë në takimet rajonale të Njësive për Inteligjencë Financiare, të organizuara nga Egmont Group dhe të mbështetura nga GIZ në Kosovë.
Gjatë fjalës së tij, Kurti falënderoi organizatorët për kontributin në forcimin e bashkëpunimit rajonal kundër aktiviteteve të paligjshme financiare. Ai theksoi rëndësinë e përafrimit të përpjekjeve vendore me ato ndërkombëtare për të identifikuar më mirë kërcënimet dhe për të forcuar mekanizmat në adresimin e tyre.
Kurti vuri në dukje se Kosova ka bërë përparim të rëndësishëm në luftimin e korrupsionit dhe krimit të organizuar, siç dëshmohet nga raportet ndërkombëtare. Raporti i Komisionit Evropian dhe vlerësimet e Transparency International konfirmojnë progresin në këto fusha, ndërsa Indeksi Global i Krimit të Organizuar e rendit Kosovën ndër vendet me nivelin më të ulët të krimit në rajon.
Kurti përmendi se Njësia për Inteligjencë Financiare ka arritur rezultate të kënaqshme në identifikimin e të ardhurave të paligjshme, dhe qeveria mbetet e përkushtuar për të mbështetur luftën kundër aktiviteteve kriminale.
Leave a Reply