Kryetari i Lëvizjes Vetëvendosje, Albin Kurti, ka shprehur shqetësim për vështirësitë në formimin e qeverisë së re, duke theksuar se afati për këtë është deri të dielën.
Në një takim me diasporën në Londër, ai pranoi se arritja e një marrëveshjeje me partitë shqiptare nuk është proces i lehtë. Sipas tij, atmosfera politike është e mbushur me xhelozi dhe inate, duke e bërë të vështirë krijimin e një qeverie të qëndrueshme.
Kurti tha se, nëse nuk arrihet marrëveshja, alternativa mbetet organizimi i zgjedhjeve të reja. Megjithatë, ai nënvizoi përpjekjet maksimale për të formuar qeverinë brenda afatit.
“Do të përpiqemi deri të dielën, sepse të hënën është e pamundur të përgatitemi,” shtoi ai. Në fund, Kurti shprehu se nuk sheh vullnet nga opozita për një qeveri të re, duke lënë të hapur mundësinë e zgjedhjeve të parakohshme nëse nuk arrihet marrëveshja.
Leave a Reply