Juristja e medias, Flutura Kusari, ka akuzuar Lëvizjen Vetëvendosje (LVV) për dëmtimin e lirisë së medias dhe shprehjes në Kosovë, duke e cilësuar si partinë më të dëmshme në këtë drejtim në historinë e re të vendit.
Në një postim në Facebook, Kusari theksoi se në pesë vitet e fundit, LVV ka përdorur një gjuhë të ashpër, duke normalizuar ngacmimet online ndaj gazetarëve dhe aktivistëve. Ajo vuri në dukje se truprojat e kryeministrit kanë sulmuar fizikisht gazetarët dhe se klima e frikës ka bërë që disa të hezitojnë të takohen me politikanë të opozitës.
Kusari gjithashtu akuzoi LVV-në për rritjen e numrit të sulmeve ndaj medias nga 20 në vitin 2019 në mbi 70 aktualisht. Sipas saj, këto veprime kanë ndikuar negativisht në reputacionin e Kosovës në indekset ndërkombëtare.
Kusari kritikoi LVV-në për mospërmbushjen e detyrimeve ligjore dhe përpjekjet për të kontrolluar televizionet, si dhe për sulmet ndaj gjykatave që mbrojnë lirinë e medias.
Leave a Reply