Kryetarja e Alternativës, Mimoza Kusari-Lila, ka diskutuar për mbajtjen e zgjedhjeve të reja, duke theksuar se ky është viti i tretë me zgjedhje në Kosovë.
Në një intervistë në emisionin “DPT te Fidani” në Klan Kosova, ajo shprehu shqetësimin e saj për numrin e lartë të zgjedhjeve këtë vit, duke thënë se situata ka dalë jashtë pritshmërive normale. Kusari-Lila theksoi se kishte parashikuar drejtimin e ngjarjeve që nga vera, duke qenë një ndër të paktët që mbështeti idenë se zgjedhjet janë zgjidhje për situatën aktuale.
Ajo shtoi se, pavarësisht skepticizmit brenda Lëvizjes Vetëvendosje, ajo kishte bindjen se zgjedhjet do të ishin të dobishme për të zgjidhur situatën politike aktuale. Ky qëndrim i saj vjen në një kohë kur vendi po përballet me sfida të mëdha politike dhe nevoja për stabilitet është më e rëndësishme se kurrë.
Leave a Reply