Të premten mbrëma pritet që reshjet e borës të rriten, duke vazhduar në disa zona edhe gjatë natës dhe mëngjesit të së shtunës.
Të shtunën, moti parashikohet të jetë i ftohtë dhe kryesisht me vranësira, me mundësi për reshje bore ose shiu të përzier në disa zona, ndërsa në vendet më të ulëta priten vetëm reshje shiu. Temperaturat do të variojnë nga -1°C deri në 4°C, me një erë të lehtë nga veriu që fryn me shpejtësi 2-4 m/s.
Nga e diela, pritet shpërndarja e vranësirave dhe në disa rajone të Dukagjinit do të shfaqen intervale me diell. Temperaturat minimale do të zbresin deri në -2°C, ndërsa ato maksimale do të arrijnë midis 3°C dhe 5°C.
Fillimi i dhjetorit sjell mot më stabil dhe periudha më të gjata me diell. Të martën, do të ketë kalime vranësirash të larta, ndërkohë që në ultësira mund të formohen shtresa mjegulle që mund të qëndrojnë gjatë mesditës.
Temperaturat pritet të rriten deri në 7°C ose 8°C në zonat më të kthjelluara, ndërsa në ato me mjegull do të mbeten më të ulëta. Orët e pasdites do të kenë erë të lehtë jugore me shpejtësi 1-4 m/s.
Leave a Reply