Ismet Kryeziu nga Instituti Demokratik i Kosovës (KDI) ka deklaruar se Gjykata Kushtetuese ka shpjeguar arsyen e dështimit për konstituimin e Kuvendit të Kosovës.
Ai theksoi se përgjegjësia për këtë situatë nuk qëndron tek komuniteti serb, por tek mosvotimi i shumicës së deputetëve. Kryeziu sqaroi se bllokimi është rezultat i veprimeve të shumicës dhe komuniteteve pakicë jo-serbe, duke bërë të pamundur konstituimin e Kuvendit.
Sipas aktgjykimit të Gjykatës, nëse Kuvendi nuk arrin të zgjedhë disa anëtarë të Kryesisë për arsye që nuk varen nga vullneti i shumicës, por janë rezultat i pengesave nga grupe të caktuara politike, përfshirë ato të komuniteteve pakicë, Kuvendi ka mundësinë të vazhdojë funksionimin e tij edhe pa disa anëtarë të Kryesisë, për sa kohë ka kuorum për vendimmarrje. Ky vendim tregon se vetëm në situata të jashtëzakonshme mund të ketë përjashtime në funksionimin normal të Kuvendit.
Leave a Reply