Kandidati i LDK-së për postin e kryetarit të Junikut, Ruzhdi Shehu, ka shprehur besimin e tij për triumfin e partisë në zgjedhjet lokale.
Në një mesazh në mediat sociale, Shehu ka shprehur mirënjohje për mbështetjen e treguar nga komuniteti i tij dhe diaspora junikase, të cilët sipas tij kanë siguruar fitoren e LDK-së në këtë komunë. Shehu theksoi se ka shërbyer Junikun me përkushtim gjatë gjithë jetës së tij dhe ndjeu krenari të madhe teksa pa bashkëvendasit e tij të bashkuar rreth vizionit të LDK-së.
Ai përmendi pjesëmarrjen e mbi 700 junikasve në një koktej falënderues të organizuar nga dega lokale e partisë, si dëshmi e mbështetjes së fortë. Pas përfundimit të procesit zgjedhor, Shehu ftoi të gjithë qytetarët, pa dallime, të marrin pjesë në festën e madhe për fitoren e LDK-së, duke e cilësuar atë si një ngjarje historike për Junikun.
Leave a Reply