Liburn Aliu, ish-ministri i Infrastrukturës, është emëruar zyrtarisht në krye të Portit të Durrësit.
Ky vendim është marrë nga ministrja e Infrastrukturës dhe Energjisë, Belinda Balluku. Ministrja e Arsimit, Mirela Kumbaro-Furxhi, përmes një postimi në ‘Facebook’, e ka vlerësuar këtë ndryshim si një lajm të shkëlqyer.
Ajo theksoi se Durrësi është një portë kyçe drejt Adriatikut si për Shqipërinë, ashtu edhe për Kosovën, dhe se Aliu, me përvojën e tij të pasur si ish-ministër në Kosovë, është zgjedhja e duhur për këtë rol. Sipas Kumbaro-Furxhi, Aliu ka qenë një bashkëpunëtor i çmuar gjatë kohës kur ajo ishte Ministre e Mjedisit, duke pasur marrëdhënie të shkëlqyera pune.
Megjithatë, pak pas postimit, ministrja e fshiu njoftimin nga llogaria e saj. Përkundër kësaj, postimi fillestar është ruajtur nga media Nacionale.
Leave a Reply