Paneli Zgjedhor për Ankesa dhe Parashtresa (PZAP) ka ndëshkuar Listën Serbe me një gjobë prej 20 mijë eurosh për shkelje të rregullave të Kodit të Etikës dhe Mirësjelljes gjatë periudhës zgjedhore.
Kjo masë erdhi pas një ankese nga Kosovski Savez, i cili pretendoi se Lista Serbe kishte vendosur materiale propagandistike në vende të ndaluara në komunën e Leposaviqit. Sipas PZAP, materiali promovues ishte vendosur në hapësira publike si shtylla elektrike, parqe dhe rrugë, pa leje nga organet kompetente, çka përbën shkelje të legjislacionit.
Lista Serbe nuk ka dhënë përgjigje ndaj këtyre pretendimeve. Vendimi përfshin urdhrin që Lista Serbe të heqë menjëherë materialet, duke paralajmëruar se mosrespektimi i këtij urdhri mund të sjellë masa shtesë.
Ankesa u mbështet me fotografi si dëshmi, të cilat tregojnë vendosjen e paligjshme të materialeve zgjedhore.
Leave a Reply