Në një intervistë për “Rubikon” në Klan Kosova, kryetari i Drenasit, Ramiz Lladrovci, shfaqi besim të plotë se do të mund ta mposhtë Albin Kurtin nëse vendos të kandidojë me iniciativën e tij në zgjedhjet e ardhshme.
Ai theksoi se gjithmonë është përgatitur mirë dhe nuk është kapur ndonjëherë në befasi. Gjithashtu, Lladrovci vuri në dukje se Partia Demokratike e Kosovës (PDK) do të konsideronte një koalicion me Lëvizjen Vetëvendosje nëse arrihet një marrëveshje për disa çështje kyçe, duke përfshirë mbështetjen për fondin e ish-udhëheqësve të UÇK-së që po gjykohen në Hagë.
Ndërkohë, Glauk Konjufca, i mandatuar për formimin e qeverisë së re, nuk arriti të sigurojë më shumë se 56 vota, çka e bën të pamundur krijimin e ekzekutivit. Për pasojë, vendi pritet të shkojë sërish në zgjedhje, një zhvillim ky që vjen pas zgjedhjeve të mbajtura më 9 shkurt.
Leave a Reply