Maria Corina Machado, udhëheqësja e opozitës në Venezuelë, ka bërë disa deklarata të fuqishme në një intervistë me mediat ndërkombëtare.
Ajo akuzoi regjimin aktual se ka lejuar praninë e agjentëve nga Rusia dhe Irani, si dhe grupe të etiketuar si terroristë, përfshirë Hezbollah dhe Hamas, të cilët sipas saj, veprojnë në bashkëpunim me qeverinë, duke rrezikuar sigurinë dhe sovranitetin e vendit. Machado, e cila kohët e fundit pranoi Çmimin Nobel për Paqe, theksoi se vendi i saj është tashmë “i pushtuar”.
Ajo synon të transformojë Venezuelën në një qendër të rëndësishme energjetike, teknologjike dhe demokratike në Amerikë, duke premtuar se vendi do të bëhet një hapësirë e lirë dhe demokratike. Deklaratat e saj vijnë ndërsa tensionet politike dhe ekonomike në Venezuelë mbeten të larta dhe përpjekjet e opozitës për ndryshim vazhdojnë.
Shtetet e Bashkuara kanë bërë thirrje për largimin e presidentit aktual, Nicolas Maduro, nga pushteti.
Leave a Reply