Presidenti francez, Emmanuel Macron, i ka dhënë kryeministrit të dorëhequr, Sebastien Lecornu, dy ditë afat për të stabilizuar situatën politike në vend, pas dorëheqjes së tij vetëm 27 ditë pas emërimit.
Lecornu dha dorëheqje pasi kishte emëruar kabinetin e tij, për shkak të mosmarrëveshjeve me fraksionet politike që, sipas tij, e detyruan të largohej nga detyra. Pas takimeve me Macron, kryeministrit i është kërkuar të zhvillojë bisedime me partitë politike për të krijuar një platformë që mund të sjellë stabilitet.
Lecornu ka deklaruar se do të raportojë për rezultatet e këtyre bisedimeve deri të mërkurën në mbrëmje. Nëse këto përpjekje dështojnë, Macron është i përgatitur të marrë masa të mëtejshme, përfshirë mundësinë e zgjedhjeve të parakohshme.
Situata politike në Francë ka krijuar pasiguri, duke ndikuar edhe në tregjet financiare dhe duke shkaktuar shqetësim në Evropë. Ndërkohë, liderja e ekstremit të djathtë, Marine Le Pen, ka bërë thirrje për zgjedhje parlamentare të parakohshme.
Leave a Reply