Ministria e Administrimit të Pushtetit Lokal (MAPL) ka shpallur të paligjshëm vendimin e Kuvendit Komunal të Prishtinës për miratimin e Listës së Pronave Publike për shfrytëzim në vitin 2026.
Ky vendim, i marrë më 30 dhjetor 2025, përmbante lista të pronave të paluajtshme të komunës të planifikuara për dhënie në shfrytëzim. Sipas MAPL-së, ky akt nuk është në përputhje me dispozitat ligjore në fuqi.
Ministria ka kërkuar që komuna të harmonizojë dokumentin brenda 30 ditëve, duke respektuar legjislacionin përkatës. Një nga kërkesat e ligjit është që komuna të publikojë listën e përgjithshme të pronave dhe të dhëna të tjera të nevojshme.
Në Asamblenë e Prishtinës, miratimi i këtij vendimi ka nxitur debat të gjallë. Përfaqësues të Lëvizjes Vetëvendosje kanë shprehur shqetësime për mungesën e dokumentacionit të plotë, ndërsa nga PSD janë ngritur shqetësime për menaxhimin e dobët të pronave publike.
Drejtori i Pronës, Brahim Mehmetaj, ka deklaruar se procesi është kryer sipas rregullave.
Leave a Reply