Ministria e Arsimit, Shkencës, Teknologjisë dhe Inovacionit ka bërë të ditur ndarjen e bursave për studentët që ndjekin studime të doktoratës në 500 universitetet më të mira të botës, sipas renditjes Shanghai.
Në total, 53 doktorantë do të marrin mbështetje financiare prej 8,500 euro, si pjesë e përpjekjeve për të inkurajuar të rinjtë në kërkimet shkencore dhe studimet e avancuara. Ministrja Nagavci, përmes një postimi në Facebook, theksoi rëndësinë e këtij investimi për forcimin e kapaciteteve akademike të vendit.
Ajo shprehu bindjen se këta studentë të talentuar do të kthehen në vend me njohuri dhe përvoja të reja, duke kontribuar për një të ardhme më të mirë për të gjithë. Ky program mbështetës synon të forcojë dijen dhe potencialin e studentëve shqiptarë, duke u ofruar mundësi të shkëlqyera për zhvillim akademik dhe profesional.
Leave a Reply