Deputetja e Lëvizjes “Vetëvendosje”, Adriana Matoshi, ka shprehur qëndrimin e saj lidhur me procesin e numërimit të votave në Qendrën Komunale të Numërimit në Mitrovicën e Jugut.
Ajo akuzon përpjekjet për manipulim të rezultateve përmes sondazheve të daljes dhe thekson se këto përpjekje kanë dështuar. Matoshi përmend aktivizimin e prokurorisë pas dështimit të sondazheve dhe shpreh se Mitrovica nuk do të lejohet të jetë objekt manipulimesh.
Ajo shprehet se edhe përkundër përpjekjeve të mëparshme nga figurat si Vuçiqi dhe Radojçiçi, qyteti do të mbetet i pandikuar nga krimi. Në fund, Matoshi shpreh besimin se, ashtu siç është bërë pastrimi i Veriut nga Albini, do të ndodhë e njëjta gjë edhe në Jug dhe uron Fatoni Pecin për suksesin e arritur.
Leave a Reply