Komisioni Qendror i Zgjedhjeve (KQZ) do të zhvillojë sot mbledhjen e radhës, duke filluar nga ora 14:30.
Në këtë takim do të shqyrtohen disa çështje të rëndësishme, përfshirë miratimin e Planit Operacional për ditën e zgjedhjeve të 12 tetorit. Mbledhja do të nisë me hyrjen nga Kreshnik Radoniqi, që kryeson KQZ-në.
Më pas do të shqyrtohet dhe miratohet procesverbali i mbledhjes së mëparshme, Nr. 62/2025.
Aktivitetet e Sekretariatit të KQZ-së dhe Zyrës gjithashtu janë pjesë e rendit të ditës. Do të diskutohet për akreditimin e organizatave vëzhguese dhe vëzhguesve të tyre, si dhe për akreditimin e mediave vendore dhe ndërkombëtare për zgjedhjet lokale të vitit 2025.
Gjithashtu, Këshilli për Operacione Zgjedhore do të shqyrtojë dhe miratojë planin e konferencave për media për ditën e zgjedhjeve. Në fund të mbledhjes, do të adresohen çështje të ndryshme të rëndësishme për procesin zgjedhor.
Leave a Reply