Gjatë një bastisjeje në shtëpinë e Arianit Sllamnikut në Gjilan, Policia e Kosovës ka sekuestruar medikamente të ndryshme të përdorura për trajtimin e kafshëve, përfshirë edhe disa armë zjarri me leje.
Ndër medikamentet e gjetura ishte “IverQuest”, një produkt që përdoret për eliminimin e parazitëve te kuajt, dhe “Methylen Blue”, i cili trajton infeksionet kërpurdhore te peshqit. Fotografi të tjera tregojnë ilaçe me imazhe të kafshëve si lopë, kuaj dhe dhi.
Sllamniku u arrestua nën akuzat për “Ushtrim të kundërligjshëm të veprimtarisë mjekësore ose farmaceutike” dhe “Eksperimente të kundërligjshme mjekësore dhe testime të barnave”. Ai pretendonte se mund të shëronte autizmin përmes eliminimit të parazitëve tek fëmijët.
Ministria e Shëndetësisë ka reaguar duke theksuar rëndësinë e ndjekjes së metodave të verifikuara shkencërisht dhe ka paralajmëruar se çdo keqpërdorim do të trajtohet me seriozitet. Shëndeti i fëmijëve theksohet si prioritet absolut.
Leave a Reply