Deputeti i Lëvizjes Vetëvendosje, Mefail Bajqinovci, ka theksuar rëndësinë e formimit të shpejtë të Qeverisë Konjufca, duke përmendur disa çështje urgjente që kërkojnë zgjidhje.
Ai tha se krijimi i qeverisë është i domosdoshëm për të shmangur një krizë të re politike që mund të rezultojë në zgjedhje të tjera. Bajqinovci përmendi sfida të rëndësishme si menaxhimi i RTK-së, situata në komunat e Prishtinës, Gjilanit dhe Zubin-Potokut, si dhe nevoja për të miratuar Ligjin për Buxhetin që të sigurohen pagat për shërbyesit publikë.
Ai paralajmëroi për rrezikun e një kolapsi shtetëror nëse këto çështje nuk adresohen në kohë. Në një intervistë për emisionin “Këndi i Debatit” në Tëvë1, Bajqinovci shprehu shpresën se deri të mërkurën do të arrihet votimi i Konjufcës si kryeministër, për të formuar një qeveri, qoftë edhe të përkohshme, që të realizohen detyrat urgjente dhe të shmangen zgjedhjet e reja për të lodhur popullin.
Leave a Reply