Kreu i Partisë Demokratike të Kosovës, Memli Krasniqi, ka shprehur mirënjohjen e tij ndaj qytetarëve dhe kandidatëve pas përfundimit të raundit të dytë të zgjedhjeve lokale.
Ai vlerësoi suksesin e arritur nga partia e tij, e cila fitoi 187,526 vota, duke u konfirmuar si forca politike me më shumë vota në vend dhe me 206 asamblistë të zgjedhur, mbetet partia me përfaqësimin më të gjerë lokal. Krasniqi ka veçuar kandidatin për Komunën e Mitrovicës, Arian Tahirin, për sfidën e tij të vetme kundër aparatit shtetëror, duke e cilësuar si një garë të fortë dhe dinjitoze.
Në postimin e tij, ai ka falënderuar çdo kandidat dhe aktivist për angazhimin e tyre gjatë procesit zgjedhor, duke theksuar se puna dhe përkushtimi i tyre janë garanci për të ardhmen. Me gjashtë komuna të fituara, përfshirë Ferizajn dhe Prizrenin, PDK demonstron se suksesi ndërtohet mbi përfaqësim me dinjitet.
Krasniqi theksoi se ky rezultat shënon fillimin e një kapitulli të ri, duke synuar forcimin e bashkëpunimit me qytetarët dhe përmirësimin e qeverisjes lokale.
Leave a Reply