Në të gjithë botën, komuniteti i krishterë po feston Krishtlindjen, një ditë e rëndësishme që simbolizon lindjen e Jezu Krishtit dhe sjell mesazhe shprese dhe dashurie.
Në Kosovë, kjo festë shënohet me ceremoni fetare dhe mbledhje familjare. Në Katedralen “Nëna Terezë” në Prishtinë, u mbajt mesha kryesore nën drejtimin e Ipeshkvit të Kosovës, Imzot Dodë Gjergji.
Ai theksoi rëndësinë e Krishtlindjes si një moment për reflektim dhe falënderim ndaj Zotit. Në fjalën e tij, ai theksoi rëndësinë e paqes dhe drejtësisë, duke paralajmëruar për sfidat globale si krizat morale, luftërat dhe varfërinë.
Gjergji gjithashtu bëri thirrje për përgjegjësi politike dhe qytetare në Kosovë, duke theksuar nevojën për stabilitet dhe përshpejtimin e integrimit evropian, duke ruajtur vlerat shoqërore. Ai u bëri thirrje qytetarëve që të kontribuojnë për një shoqëri më të drejtë dhe të bashkuar.
Krishtlindja, e festuar çdo vit në natën ndërmjet 24 dhe 25 dhjetorit, sjell një mesazh të fortë shprese për të ardhmen.
Leave a Reply