Dejona Mihali, koordinatorja e Komiteteve brenda Lëvizjes Vetëvendosje, ka vlerësuar lartë kryeministrin e Kosovës, Albin Kurti, duke e quajtur atë një figurë të rëndësishme shqiptare në politikë dhe fushën intelektuale.
Ajo e përshkroi Kurtin si një lider me ndikim të madh, duke theksuar se ai është një aktivist, politikan dhe intelektual i përkryer. Mihali e cilësoi Kurtin jo vetëm për intelektin e tij të veçantë, por gjithashtu për mirësinë dhe guximin e tij të veçantë.
Sipas saj, personaliteti i tij ka luajtur një rol të rëndësishëm në zhvillimin e Kosovës, duke e bërë atë një zë të dallueshëm dhe të dobishëm në arenën ndërkombëtare. Ajo shtoi se Kurti është një nga figurat shqiptare që i komunikon botës me një gjuhë autentike, duke forcuar pozicionin e tij si një lider me ndikim në rajon.
Këto komente u bënë pas një interviste të gjatë të Kurtit në Kanal 10.
Leave a Reply