Një problem në furnizimin me energji elektrike mbajti të ngujuar për rreth pesë orë 22 minatorë të Trepçës, mbrëmjen e së dielës, disa qindra metra nën sipërfaqe.
Për fat të mirë, ata dolën shëndoshë e mirë nga miniera. Sipas Faton Ahmetit, kryeshef ekzekutiv i Trepçës, problemet në furnizim filluan në ora 09:00, ndërsa minatorët pritej të dilnin në 11:00.
Ai theksoi mungesën e një linje zëvendësuese për të siguruar daljen e minatorëve në raste emergjente. Sindikatat kanë kërkuar investime urgjente për të shmangur situata të ngjashme në të ardhmen.
Kryetari i Sindikatës së Trepçës, Ibrahim Jonuzi, i bëri thirrje institucioneve dhe Ministrisë së Ekonomisë për veprime konkrete që të mbrojnë jetën dhe dinjitetin e punëtorëve. Ahmeti njoftoi se çdo vit minatorët pajisen me uniforma dhe pajisje pune, ndërsa për këtë vit janë premtuar investime në makineri të reja.
Prodhimi i ndërmarrjes ka shënuar një rritje prej mbi 80% krahasuar me vitin e kaluar.
Leave a Reply