Një incident serioz ndodhi mbrëmjen e djeshme në minierën e Trepçës, ku një punëtor pësoi një lëndim të rëndë në kokë.
Sipas burimeve nga miniera, punëtori ishte në detyrë kur ndodhi aksidenti. Pas ngjarjes, ai u transferua menjëherë në Qendrën Klinike Universitare të Kosovës (QKUK), ku iu nënshtrua një operacioni urgjent.
Aktualisht, ai po merr trajtimin e nevojshëm dhe ndodhet në gjendje kome. Ngjarja ka ngritur shqetësime për sigurinë në vendin e punës, ndërsa autoritetet kanë nisur hetimet për të zbardhur rrethanat e aksidentit.
Leave a Reply