Kandidati për kryetar të Prishtinës nga Lëvizja Vetëvendosje, Hajrulla Çeku, vizitoi së fundmi Qendrën Historike të Prishtinës, ku pati mundësinë të shohë nga afër vlerat kulturore si tregun lokal, shkollën e parë shqipe dhe zejtarët e artarët që ruajnë mjeshtërinë tradicionale.
Çeku theksoi rëndësinë e kësaj zone si qendër e kulturës artizanale dhe potencial i pashfrytëzuar turistik. Ai prezantoi platformën “Prishtina 2035”, e cila përfshin plane për restaurimin e shtëpive historike, gjallërimin e hapësirave publike, si dhe ringjalljen e artizanatit dhe kulturës lokale.
“Nëpërmjet këtij plani, synojmë të krijojmë një zonë atraktive ku historia, arti dhe turizmi bashkohen, duke e shndërruar këtë pjesë të qytetit në një destinacion krenarie dhe zhvillimi”, deklaroi Çeku. Ai shpreh dëshirën që çdo turist të vizitojë këtë zonë si pjesë e përvojës së tyre në Kosovë.
Leave a Reply