Kandidati i Partisë Demokratike të Kosovës (PDK) sot vizitoi Qendrën Rinore “Hareja”, ku u prit nga drejtori Bajrush Kosumi.
Ata kanë zhvilluar një bashkëpunim të frytshëm ndër vite. Idrizi, përmes një postimi, theksoi rëndësinë e Qendrës për Arsimimin dhe Edukimin e të Rinjve dhe të Rriturve në Vushtrri, që është krijuar në partneritet me këtë qendër dhe DVV International.
Kjo qendër ofron mundësi për arsimim formal dhe joformal për të rinjtë dhe të rriturit e zonës. Ai vuri në dukje se kjo hapësirë është thelbësore për të inkurajuar zhvillimin, kreativitetin dhe aftësimin e brezave të rinj, duke theksuar se investimi në arsim dhe rini është më i vlefshmi.
Idrizi gjithashtu premtoi se arsimi dhe rinia do të mbeten në qendër të vëmendjes së tyre gjatë mandatit të ri.
Leave a Reply