Kryetari i Mitrovicës, Faton Peci, vizitoi sot fshatin Selac për të inspektuar personalisht procesin e pastrimit të gurëve të shembur që kishin bllokuar rrugën kryesore të fshatit.
Gjatë vizitës, Peci u bashkua me punëtorët në terren duke i ndihmuar ata dhe duke bërë disa fotografi me kaci në dorë. Në një deklaratë, Peci theksoi angazhimin e tij për të punuar jo vetëm nga zyra, por edhe në terren si vullnetar.
Ai siguroi qytetarët e Mitrovicës se do të marrin shërbime cilësore dhe ndërhyrje të shpejta në çdo situatë emergjente që mund të hasin. Peci nënvizoi rëndësinë e bashkëpunimit për të arritur rezultate pozitive në komunitet.
Ky angazhim i kryetarit synon të përmirësojë cilësinë e jetës në Mitrovicë, duke u fokusuar në veprime konkrete në terren.
Leave a Reply