Analisti politik, Shenoll Muharremi, ka analizuar situatën aktuale politike në Kosovë, duke vënë në dukje sfidat me të cilat përballet Lëvizja Vetëvendosje pas dështimit për të formuar Qeverinë ‘Kurti 3’.
Ai thekson se kjo parti është në rënie dhe ka pak mundësi për të fituar shumicën në zgjedhjet e ardhshme. Muharremi thekson se Vetëvendosje, e cila arriti 42.3% të votave, po përballet me një trend në rënie që ka nisur pas kulmit të saj në 50.2% në vitin 2021.
Sipas tij, mbështetja e partisë ka vazhduar të tkurret, duke arritur në 37% në matjet e fundit. Analisti përdor një analogji për të ilustruar situatën, duke krahasuar gjendjen e Kurtit me një lojtar kazinoje që humbet gjithçka për shkak të moskujdesit.
Ai pohon se pritjet për të fituar shumicën janë joreale dhe LVV duhet të reflektojë dhe reformohet për të përmirësuar të ardhmen e saj. Muharremi përfundon duke thënë se Vetëvendosje nuk do të arrijë 51% dhe do të vazhdojë të përballet me tkurrje, ndërsa partia duhet të mendojë për aleanca të reja politike për të pasur sukses.
Leave a Reply