Ministri i Financave, Punës dhe Transfereve, Hekuran Murati, ka reaguar ndaj kryetarit të Prishtinës, Përparim Rama, pas njoftimit të këtij të fundit për dorëzimin e një kallëzimi penal kundër tij.
Në një postim në Facebook, Murati e quajti këtë veprim të Ramës si të pabazë, duke e cilësuar si të pavërtetë. Kallëzimi penal, i bërë nga Rama më 7 tetor, kishte të bënte me moslëvrimin e fondeve për Komunën e Prishtinës.
Sipas Muratit, ky kallëzim është bërë në kontekstin e fushatës dhe nuk mund të fajësojë Ministrinë për mosaprovimin e buxhetit në kohën e duhur. Murati gjithashtu theksoi se Kodi Penal parashikon dënime për kallëzime të rreme, që variojnë nga tre muaj deri në tre vjet burg.
Ai sugjeroi që Rama të jetë i informuar mbi këto parashikime ligjore.
Leave a Reply