Shqipëria është vendi i parë në rajon dhe i shtati në botë për çmimin e lartë të naftës, me një litër që kushton rreth 170 lekë, ekuivalent me 2.09 dollarë.
Krahasuar me vendet e tjera të Ballkanit Perëndimor, vetëm Serbia ka çmime më të afërta, ku një litër kushton rreth 1.92 dollarë. Ndërkohë, në Bosnje-Hercegovinë, Maqedoninë e Veriut dhe Kosovë, karburanti është dukshëm më i lirë.
Në Europë, Shqipëria renditet pas Zvicrës, Lihtenshtejnit, Danimarkës dhe Islandës për çmimet më të larta të naftës. Jashtë Europës, Hong-Kongu kryeson me çmimin më të lartë botëror, mbi 3.56 dollarë për litër.
Shoferët shqiptarë shprehin shqetësimin për çmimet e larta dhe kërkojnë ndërhyrje për uljen e tyre, duke sugjeruar hapjen e rafinerive. Në tregjet ndërkombëtare, çmimi i naftës së papërpunuar ka zbritur në 689 dollarë për ton, dhe zhvlerësimi i dollarit do të duhej të reflektohej me çmime më të ulëta.
Vitin e kaluar, vendi importoi mbi 671 mijë ton karburant, një rritje e ndjeshme që nuk ka ndikuar në uljen e çmimeve.
Leave a Reply