Ka ndërruar jetë Nazmi Krasniqi, veteran i Ushtrisë Çlirimtare të Kosovës, pas një periudhe sëmundjeje.
Organizata e Veteranëve të Luftës ka konfirmuar lajmin për ndarjen e tij nga jeta dhe ka njoftuar se ceremonia e varrimit do të mbahet sot në ora 14:00, në fshatin e tij të lindjes, Pastasel. Krasniqi ka lënë pas një trashëgimi të rëndësishme për kontributin e tij në lirinë e Kosovës.
Organizata i ka shprehur ngushëllimet e saj familjes Krasniqi dhe ka vlerësuar jetën dhe veprën e tij. Në këtë kohë zie, miqtë dhe bashkëluftëtarët janë ftuar të marrin pjesë në ceremoninë e lamtumirës.
Lavdi jetës dhe veprës së Nazmi Krasniqit për përkushtimin dhe sakrificën e tij për liri. Ngushëllime të sinqerta familjes dhe të afërmve.
Leave a Reply