Në Delloc të Suharekës, disa prona janë në pronësi të familjarëve dhe bashkëpunëtorëve të kryetarit të Komunës së Suharekës, Bali Muharremaj, të cilat do të shpronësohen për ndërtimin e një rruge rajonale që lidh Mushtishtin me Shterpcën.
Më 9 tetor 2024, Qeveria e Kosovës vendosi për shpronësimin e këtyre pronave për interes publik. Ndër pronarët e tokave të përmendura janë Visar Kuqi, Drejtori i Infrastrukturës; Edon Muharremaj, djali i vëllait të kryetarit; Driton Maliqaj, ish-asamblist i AAK-së; dhe Fatos Kuqi, Shef i Prokurimit në Suharekë.
Kryetari Muharremaj theksoi se blerjet u bënë para planifikimit të rrugës dhe se çdo qytetar ka të drejtë të blejë prona. Sipas Visar Kuqit, projektet e rrugës datojnë që nga vitet ’80.
Ai sqaroi se pronat e tij janë blerë nga vitet 2017 deri 2020 dhe janë të trashëguara familjare. Driton Maliqaj dhe pronarë të tjerë mohojnë njohuritë paraprake mbi projektin.
Edon Muharremaj deklaroi gatishmërinë për të falur pronën nëse shteti e kërkon.
Leave a Reply