Një shtetas kosovar, i kërkuar ndërkombëtarisht nga autoritetet norvegjeze, u arrestua nga Policia Kufitare e Morinës ndërsa po tentonte të hynte në Shqipëri.
Personi, 35-vjeçari J.K., akuzohet nga Gjykata Lokale Sor Rogaland në Norvegji për vepra penale si “Vjedhje me dhunë” dhe “Plagosje”. Arrestimi u realizua pas kontrolleve të imtësishme dhe në bashkëpunim me Interpol Tiranën, me qëllim ekstradimin e tij në Norvegji.
Interpol Oslo kishte shpallur në kërkim këtë individ, dhe pas verifikimeve të kryera, u konfirmua se ai po kërkohej për t’iu përgjigjur akuzave të ngritura ndaj tij. Shërbimet e Policisë Kufitare, së bashku me ato të DVP Kukës, kanë qenë vigjilente në detyrën e tyre për të parandaluar kalimet e paligjshme të kufirit dhe për të ndaluar personat nën hetim ndërkombëtar që përpiqen t’i shmangen drejtësisë.
Procedurat për ekstradimin e J.K. tashmë janë në proces e sipër nga Interpol Tirana dhe Interpol Oslo.
Leave a Reply