Netanyahu kërkon ndjesë Katarit për incidentet në Doha

Benjamin Netanyahu ka kërkuar falje Katarit pasi Izraeli sulmoi Dohan në një përpjekje për të eliminuar zyrtarët e Hamasit në fillim të këtij muaji.

Sipas një burimi të afërt me liderin izraelit, raportohet se Netanyahu ka biseduar në telefon me kryeministrin Mohammed bin Abdulrahman Al Thani, duke telefonuar nga Shtëpia e Bardhë, raportojnë mediat ndërkombëtare.

Kërkesa për falje është raportuar gjithashtu në mediat izraelite dhe amerikane.

Kjo ndodhi pak pasi Netanyahu mbërriti në Shtëpinë e Bardhë dhe u takua me Donald Trump.

Presidenti amerikan bisedoi gjithashtu me Katarin më herët gjatë ditës.

Izraeli ka sulmuar Katarin më herët këtë muaj, duke u bërë vendi i fundit i Lindjes së Mesme që është sulmuar së fundmi, me qëllimin për të goditur zyrtarët e Hamasit.

Grupi militant ka selinë e tij politike në Doha prej kohësh.

Në atë kohë, Katari, një aleat i SHBA-së, dënoi sulmin si “frikacak” dhe një “shkelje flagrante të të gjitha ligjeve dhe normave ndërkombëtare”. /Telegrafi/