Në lagjen Dardania të Ferizajt është përuruar sot gurthemeli i çerdhes së re, një projekt i rëndësishëm për komunitetin.
Ministrja në detyrë e Arsimit, Arbërie Nagavci, bëri të ditur se ndërtimi i këtij objekti do të kushtojë 888,064.89 euro, një investim i Ministrisë së Arsimit, Shkencës, Teknologjisë dhe Inovacionit (MAShTI). Me një sipërfaqe prej 887 metra katrorë, çerdhja e re do të ketë kapacitet për të mirëpritur 80 fëmijë.
Nagavci theksoi se përmirësimi i kushteve për fëmijët është një prioritet i MAShTI, duke siguruar një ambient të sigurt dhe të dashur për ta. Nga viti 2021 deri më sot, MAShTI ka investuar mbi 13 milionë euro në Komunën e Ferizajt, duke nënvizuar rëndësinë e zhvillimit arsimor në rajon.
Leave a Reply