Niveli i ndotjes së ajrit rritet sërish në Prishtinë

Ndryshimet e fundit në mot, përfshirë shkrirjen e borës dhe rritjen e lehtë të temperaturave, duket se kanë ndikuar në cilësinë e ajrit në Kosovë.

Kryeqyteti, Prishtina, i cili kohët e fundit kishte një cilësi ajri ndër më të mirat në botë, ka pësuar një ndryshim të dukshëm. Sipas të dhënave të fundit nga platforma ‘IQ Air’, Prishtina tani është renditur në vendin e 44-të për ndotjen e ajrit, duke treguar një përkeqësim të situatës.

Mbrëmë, vlera e dëmshme e PM, e cila mat cilësinë e ajrit, arriti në 94. Kjo vlerë konsiderohet e dëmshme për shëndetin e banorëve, duke theksuar nevojën për kujdes dhe masa parandaluese për mbrojtjen e shëndetit publik.