Të martën në mëngjes, blloku B1 i Termocentralit “Kosova B” ka dalë jashtë funksionit, duke komplikuar më tej furnizimin me energji elektrike në Kosovë.
Kriza energjetike vazhdon të jetë një sfidë për vendin, me disa blloqe që kanë ndaluar prodhimin e energjisë ditët e fundit. Sipas burimeve, blloku B1 është dëmtuar, duke e bërë situatën më të ndërlikuar.
Ndërprerja e këtij blloku ka rritur nevojën për import të energjisë, duke vënë në rrezik stabilitetin e furnizimit, veçanërisht gjatë orëve të pikut. Institucionet energjetike ende nuk kanë dhënë një afat për rikthimin e tij në funksion.
Në fillim të muajit, më 8 janar, blloku A4 gjithashtu doli jashtë pune. Ekspertja e energjisë, Janina Ymeri, informoi se që nga 1 janari ka pasur raste të tjera të ndërprerjes, përfshirë edhe bllokun B1.
Këto zhvillime kanë rënduar edhe më tej sfidat në sektorin energjetik të vendit.
Leave a Reply