Komisioni Qendror i Zgjedhjeve ka përfunduar numërimin e votave të ardhura me postë në Kosovë, përveç 3185 pakove që pritet të dorëzohen së shpejti.
Sipas rezultateve të publikuara nga KQZ, Lëvizja Vetëvendosje ka fituar 51.01% të votave, duke siguruar 57 vende në Kuvend. Në vendin e dytë renditet Partia Demokratike e Kosovës me 20.24% të votave dhe 22 ulëse.
Lidhja Demokratike e Kosovës ka marrë 13.26% të votave, duke fituar 15 vende, ndërsa Aleanca për Ardhmërinë e Kosovës ka arritur 5.50% dhe pesë ulëse. Zëdhënësi i KQZ-së, Valmir Elezi, bëri të ditur se 3185 pako me fletëvotime, të mbledhura nga kutitë postare në qytetet si Parisi, Berlini, Haga, Podgorica dhe Otava, janë ende në proces të ardhjes në Kosovë.
Këto pako janë tërhequr më 2 dhe 5 janar.
Leave a Reply