Njësitë Antikontrabandë të Doganës së Kosovës kanë zbuluar një aktivitet të paligjshëm në Pejë, ku në një barnatore është gjetur një hapësirë e fshehur me 468 pako barnash me banderola të huaja.
Barnat e zbuluara nuk kishin dokumentacion për origjinën apo importin e ligjshëm, çka ngre dyshime për hyrjen e tyre përmes rrugëve të jashtëligjshme. Kjo shmangie e kontrolleve doganore dhe standardeve të sigurisë farmaceutike ka tërhequr vëmendjen e autoriteteve.
Dogana e Kosovës ka nisur hetime të detajuara dhe po bashkëpunon me institucionet përkatëse për zgjidhjen e këtij rasti. Ky operacion tregon përkushtimin e Doganës në luftën kundër kontrabandës dhe mbrojtjen e shëndetit publik, duke siguruar tregun e brendshëm nga produktet e paligjshme.
Leave a Reply