Gjatë vitit 2025, Reparti i Oftalmologjisë në Spitalin e Përgjithshëm “Dr.
Sami Haxhibeqiri” në Mitrovicë ka kryer 602 operacione të syrit, duke trajtuar patologji dhe sëmundje të ndryshme oftalmologjike. Ky repart ofron shërbime të vazhdueshme për pacientët që kanë nevojë për kujdes të specializuar në rastet e emergjencave dhe lëndimeve traumatike.
Një ekip i përbërë nga pesë mjekë specialistë, gjashtë infermierë dhe katër instrumentare siguron mbështetje profesionale dhe kujdes të pandërprerë 24-orësh për shëndetin e syve. Përveç ndërhyrjeve kirurgjikale, gjatë vitit të kaluar janë realizuar gjithsej 14,514 vizita ambulantore për pacientë me shqetësime të ndryshme oftalmologjike.
Drejtuesit e repartit theksojnë rëndësinë e ofrimit të shërbimeve të specializuara, duke pasur parasysh ndjeshmërinë dhe ndikimin e shëndetit të syve në cilësinë e jetës së pacientëve. Ky përkushtim për kujdesin oftalmologjik mbetet prioritet i përhershëm për spitalin.
Leave a Reply