Shoqata e Kosovës për Kërkim dhe Shpëtim ka bërë të ditur se operacioni për gjetjen e një personi të humbur në Novobërdë ka përfunduar me sukses.
Shaban Isufi, banor i fshatit Llabjan, është gjetur në gjendje të mirë shëndetësore. Gjatë operacionit, ekipet e kërkim-shpëtimit bashkëpunuan ngushtë me Policinë Rajonale të Gjilanit, Qendrën e Situatave dhe banorët lokalë.
Në njoftimin e saj, Shoqata ka falënderuar të gjitha palët e përfshira për mbështetjen dhe bashkëpunimin e treguar gjatë procesit të kërkimit. Ky operacion i suksesshëm dëshmon përkushtimin e strukturave të sigurisë dhe komunitetit për të ndihmuar në situata të tilla emergjente.
Leave a Reply