Policia e Kosovës ka arrestuar dy persona dhe ka sekuestruar mbi 2 kilogramë kokainë dhe një sasi të konsiderueshme parash gjatë një kontrolli rutinor në Prishtinë.
Më 21 tetor 2025, Njësia për Reagim të Shpejtë ndaloi një automjet me targa të huaja, ku ndodheshin një kosovar dhe një shtetas i huaj. Gjatë kontrollit, shtetasi i huaj tentoi të largohej, por falë ndërhyrjes së shpejtë të policisë, ai u neutralizua pavarësisht rezistencës agresive.
Gjatë arrestimit, tek i dyshuari u gjetën dy paketime me pluhur të bardhë, të cilat dyshohen të jenë kokainë, me peshë prej 2270.6 gramë. Gjatë kontrollit, policia zbuloi gjithashtu një shumë prej 13,550 eurosh dhe një telefon celular.
Drejtoria për Hetimin e Trafikimit me Narkotikë, e njoftuar për ngjarjen, kreu gjithashtu një kontroll në banesën e shtetasit kosovar, por nuk gjeti asgjë të dyshimtë. Prokurori kompetent është informuar për rastin dhe po vazhdon hetimet.
Leave a Reply